DIGRII YA KWANZA YA THEOLOJIA KWA KISWAHILI

 SHAHADA YA KWANZA YA THEOLOJIA KWA KISWAHILI

Naibu Makamu Mkuu wa Chuo   Elam Christian University   (ECU) anapenda kuwatangazia wakristo wote na wachungaji nafasi za kujiunga na masomo ya Shahadaya Kwanza (Bachelor Degree )  ya Biblia na Theolojia  (BBT) kwa lugha ya Kiswahili.  Digrii ya Kwanza ya Biblia na Theolojia ni program maalumu ambayo imeandaliwa kwaajili ya wanafunzi ambao  hawana ujuzi wa lugha ya kiingereza.  Lugha haipaswi kuwa kikwazo cha kuzuia watu kutotimiza ndoto zao za kielimu. Wataalamu wa isimu  wanathibitisha kwamba mtu anapojifunza kwa lugha yake anaelewa zaidi kuliko mtu anaejifunza kupitia lugha ya kigeni.  

Kwa kutambua hayo  Baraza la chuo limepitisha azimio la kuanzishwa kwa kwa program ya Shahada ya kwanza ambayo itafundishwa kwa lugha ya Kiswahili

Programu hii inalenga kumjengea  mwanafunzi uwezo, stadi na ujuzi katika Biblia, Theolojia, Huduma na uongozi wa kiroho ili kumwezesha  mwanafunzi kuwa na ufanisi katika huduma na kuweza kukabiliana na kuzishinda changamoto  mbalimbali zinazojitokeza katika  huduma na katika maisha ya kiroho kwa ujumla.

Program hii itamuwezesha mwanafunzi kuwa na uelewa wa juu zaidi wa Biblia na Huduma na mwanafunzi ataweza kuhubiri na kulifasiri Neno la Mungu kwa usahihi zaidi.

Programu hii ya Shahada ya Kwanza ya Biblia na Theolojia kwa Kiswahili inatolewa katika vituo vyetu vya mafunzo vilivyoko katika mikoa mbalimbali hapa nchini na nchi za nje.

Pia masomo  haya ya shahada ya Kwanza kwa lugha ya Kiswahili yanatolewa kupitia Elimu masafa yaani mwanafunzi  ambae hana muda wa kukaa darasani ataweza kusoma kwa njia ya mtandao au posta na kufikia malengo yake ya kupata Digrii ya Kwanza ya  Theolojia

Elam Christian University ni Chuo ambacho  kina usajili wa  kimataifa na kina wakufunzi na wahadhiri mahiri waliobobea katika ufundishaji na huduma. Vyeti vyote vinavyotolewa na chuo hiki vinatambuliwa kitaifa na kimataifa.

Chuo kimetoa ofa kwa wanafunzi wote watakaojunga na program hii chuo kitawafadhili  50% ya Ada ya mafunzo . Wanafunzi watalipa  ada 50% mpaka wanahitimu mafunzo yao.

Muundo  wa programu

Idadi ya kozi mwanafunzi anazotakiwa kusoma inatofautiana kulingana na sifa za kuingilia kama ifuatavyo:-

Mwanafunzi mwenye Diploma ya Theolojia atasoma kozi 35

Mwanafunzi mwenye Shahada ya  Sekyura atasoma kozi 25 na kuandika tasnifu moja

Mwanafunzi mwenye   Diploma ya Sekyura atasoma kozi 42

Sifa za kujiunga

Mwombaji anapaswa kuwa na sifa zifuatazo:-

1.      Awe mwamini wa kanisa la mahali pamoja (local congregation)  asiwe mwongofu mpya

2.       Awe na umri wa kuanzia miaka 21 na kuendelea

3.      Awe na Stashahada au Shahada yoyote kutoka katika chuo kinachotambuliwa na  chuo hiki

4.      Awe  na wito wa kumtumikia Mungu

5.      Awe tayari kufuata sheria kanuni na taratibu zote za Elam Christian University

6.      Awe na uwezo wa kuzungumza na kuandika Kiswahili Fasaha.

Namna ya kujiunga

Fomu za Kujiunga zinapatikana katika vituo vyetu vya mafunzo  vilivyoko katika mikoa mbalimbali

Pia unaweza kupata fomu kupitia mtandao  tembelea tovuti yetu www.elamcuedu.org

 Mwanafunzi atapaswa kulipia ada ya  kujiunga kabla ya kujaza fomu

Muda wa kujiunga na mafunzo haya ni muda wote

piga simu 0762532121 au 0753636722 kwa maelezo zaidi

              Gharama za mafunzo

ORODHA YA KOZI ZA SHAHADA YA KWANZA BIBLIA NA THEOLOJIA

Imetolewa na

Naibu  Makamu Mkuu wa chuo Taaluma  (DVCA)

ELAM CHRISTIAN UNIVERSITY